Umanisipala wedolobho le Harare uthi udinga izigidi ezingamatshumi amane zamadollar eMelika-US$40 million yokulungisa impompi zamanzi lesititshi se Morton Jaffray water works. Ukulungiswa kwempompi zamanzi kuzatholisa izakhamizi zemizi egoqela iTafara lemabvuku amanzi.
Umphathintambo obona ngezamanzi uMnumzana Sam Siphepha nkomo utshele iStudio 7 ukuthi umanisipala uthole imali elutshwana evela kunhlanganiso ezehlukeneyo yokuthuthukisa inhlelo zamanzi edolobheni leHarare kusikhatshana esedluleyo kodwa ayeneli.
UBrenda Moyo weStudio 7 ukhulume lengcwethi kwezokuthuthukiswa kwezabelo uMnumzana Meli Dube othi imizi eminengi eHarare ilesikhathi eside ibhekane lokusilela kwamanzi njalo ukulungiswa kwempompi lezi kuzaletha ubungcono empilweni zabanengi, nxa kuyikuthi imali efunekayo le iyatholakala.
