Ukuvulwa kwezikolo ngoMvulo akubanga lenjabulo ejwayelekileyo kubabalisi labazali kulandela ukumiswa kokuqhatshwa kwababalisi abatsha ngemva kokuba uhulumende ehluleke ukukhweza iholo lezisebenzi ethi akalamali.
Kusenjalo, inengi lezikolo zibikwa bezingelababalisi abeneleyo kulandela isinqumo sikahulumende esokumisa ukuqhatshwa kwabo.
Isiphathamandla senhlanganiso elwela malungelo ababalisi, eye Progressive Teachers’ Union of Zimbabwe, iPTUZ, uNkosikazi Nokuthula Hlabangana uchasisele uSithandekile Mhlanga we Studio 7 okuthi izikolo ezisemaphandleni yizo ezingalababalisi abanengi ngoba kuthenjwe ababamba umsebenzi okwesikhatshana, ama Temporary Teachers.