amalinks wokungena

Breaking News

Ababalisi Kanye leZikolo Bathola Inzuzo Ngezifundo Zangekhefu


Ugatsha lukahulumende olubona ngezemfundo solusole uhlelo lwababalisi olokufundisa abantwana ngekhefu lokuphumula esithi liqhinga lokuthi bengezelele iholo ngoba kufanele befundise okweneleyo izikolo zisavuliwe abantwana bephumule ngekhefu.

Ugatsha lukahulumende olubona ngezemfundo solusole uhlelo lwababalisi olokufundisa abantwana ngekhefu lusithi leli liqhinga lokuthi bazengezelele iholo ngoba kufanele befundise okweneleyo izikolo zisavuliwe abantwana baphumule ngekhefu.

Kusikhathi esedluleyo, ababalisi babefundisa abakugwalo luka Grade 7 kuphela ngekhefu bebalungiselela imhloliso njalo kungabhadalwa kodwa khathesi izikolo zibikwa sezitshela phose bonke abantwana ukuthi bezofunda ngekhefu bebahlawulisa imali ephakathi kwamatshumi amabili lanhlanu amadollar langamatshumi amane, $25-$40, umntwana munye ngamunye. Abafunda ezikolo zama boarding bona babikwa behlawula imali ephezulu kakhulu kulale.

USithandekile Mhlanga oweStudio 7 uxoxe loMnu. Sifiso Ndlovu, isiphathamandla senhlanganiso elwela amalungelo ababalisi eye Zimbabwe Teachers Association yena ogcizelela ukuthi ababalisi labantwana bonke bayancedakala ngaloluhlelo.

XS
SM
MD
LG