amalinks wokungena

Breaking News

Lanxa Imali Yama Incentives Ingalunganga, Akufanelanga Iphongukhutshwa Kungelalinye Icebo-Coltart


umphathintambo wezemfundo uMnu. David Coltart uthe laye uvumelana lombono wababalisi njalo ufisa ukuba uhulumende abuyisele imali eyayiphiwa ababalisi abafundisa emaphandleni ngoba bona bengatholi ama incentives.Kodwa ugcizelele ukuthi ama incentives akumelanga ephongukhutshwa nje kungelalinye icebo ngoba engabulala ezemfundo.

Umphathintambo wezemfundo uMnu. David Coltart uhlangane lenhlanganiso ezilwela amalungelo ababalisi ngolweSibili bavumelana ukuthi ukubhadala imali yama incentives akulunganga ngoba kungayisiyo indlela ezaqeda uhlupho olubhekane lababalisi.

Kodwa abasavumelananga ukuthi ama incentives la akhutshwe ngokupheleleyo.

Umhlangano lo unqume ukuthi kuzaba lomunye njalo umbuthano omkhulu lapho ababalisi, abazali, kanye labafundi abazahlangana khona labo baphe imbono yabo kudingisiswe indlela zokulungisa loluhlupho.

Ekhuluma leStudio 7 ngolweSibili, umphathintambo wezemfundo uMnu. David Coltart uthe laye uvumelana lombono wababalisi njalo ufisa ukuba uhulumende abuyisele imali eyayiphiwa ababalisi abafundisa emaphandleni ngoba bona bengatholi ama incentives lawo. Kodwa ugcizelele ukuthi ama incentives akumelanga ephongukhutshwa nje kungelalinye icebo ngoba engabulala ezemfundo.

UMnu. Sifiso Ndlovu, isiphathamandla senhlanganiso ye Zimbabwe Teachers’ Association utshele uSithandekile Mhlanga we Studio 7 ukuthi umhlangano omkhulu ozayo uzadinga ezinye indlela ezigoqela ukungezelelwa iholo, ukubuyisela I imali ye rural allowance, kumbe ukwehlisa imali yama incentives.

​
XS
SM
MD
LG