Inhlanganiso elwela ilungelo loluntu emhlabeni jikelele eye Amnesty International imanyene lezinye inhlanganiso zeZimbabwe ikhuthaza uhulumende ukuthi aphangise ukudingela labo ababhidlizelwa izindlu ngesikhathi semurambatsvina, indawo zokuhlala.
Umqondisi we Amnesty International eZimbabwe uMnumzana Cousin Zilala uthi iminyaka isiminengi kakhulu uhulumende esehluleka ukulalela izikhalazo zabantu ababhidlizelwa izindlu lamabhizimisi abo ngesikhathi semurambatsvina ngomnyaka ka 2005.
Abantu abedlula inkulungwane eziyisikhombisa balahlekelwa yizindlu kanye lamabhizimisi ngalesisikhathi. UZilala uthi laloba uhulumende ekewazama ukuletha uhlelo lokwakhela abantu laba izindlu oluthiwa operation hlalani kuhle , izindlu lezi azilungelanga ukuhlala abantu njalo balutshwana abenelisa ukuzithola.
IAmnesty international ibisebenzelana lezinye inhlanganiso zeZimbabwe ezigoqela i Zimbabwe Lawyers for Human Rights,Zimbabwe Chamber of Informal Economy Association, i Combined Harare Residents Association, i CHAR ukucubungula umumo walabo abaphazamiselwa impilo phansi kuka murambatsvina.
UBrenda Moyo oweStudio 7 uxhume unkosikazi Beatrice Ngwenya isiphathamandla seCHRA ochasisa ngesimo salabo abadilizelwa izindlu phansi kweMurambatsvina.
Abadilizelwa Izindlu Ngesikhathi SeMurambatsvina Abaphiwe Indawo Zokuhlala-Amnesty International
