amalinks wokungena

Breaking News

Abagcinisihlalo BeCOPAC Baxabana Ngodaba Lwabaloba Imbono Eyaqoqwa Ebantwini AmaDrafters


Kujikelwane aqatha phakathi kwabagcinisihlalo bekomidi ebona ngokulotshwa kutsha kwesisekelo sombuso eye COPAC, uMnu. Douglas Mwonzora owecele le MDC elikhokhelwa nguMnu. Morgan Tsvangirai loMnu. Paul Mangwana owebandla le ZANU PF kusolwa amazwi kaMangwana awokuthi ama drafters ababhala lesisisekelo sombuso awathembeki.

Kujikelwane aqatha phakathi kwabagcinisihlalo bekomidi ebona ngokulotshwa kutsha kwesisekelo sombuso eye COPAC, uMnu. Douglas Mwonzora owecele le MDC elikhokhelwa nguMnu. Morgan Tsvangirai loMnu. Paul Mangwana owebandla leZANU PF kusolwa amazwi kaMangwana awokuthi amadrafters ababhala lesisisekelo sombuso awathembeki.

UMangwana ubikwa esithi amadrafters asekelana lembono yamacele womabili eMDC, hatshi ekazulu, ikakhulu kudaba lokwabiwa kutsha komhlabathi kanye lokunanzwa kwamalungelo ezitabane.

Emhlanganweni wayo wangoMvulo, iCOPAC inqume ukuthi izahlafuna amazwi kaMangwana emhlanganweni wangoLwesibili, kodwa uMangwana ubikwa ezonde wakhalala umhlangano.

UNkosikazi Gladys Gombami-Dube umsekeli kamgcinisihlalo wecele le MDC elikhokhelwa nguMnu. Tsvangirai uchasisele uSithandekile Mhlanga weStudio 7 okunengi ngaloludaba.

Kusenjalo uMnu. Believe Gaule, umsekeli kamgcinisihlalo wecele le MDC elikhokhelwa nguMnu. Welshman Ncube ku COPAC usole uMangwana loMwonzora esithi bayezwanana kakhulu ngakho kuba lomonakalo lapho abaxabana khona.

XS
SM
MD
LG