Ikomidi ebona ngohlelo lokulotshwa kutsha kwesisekelo sombuso ithi izizalwane zeZimbabwe ezihlala kwamanye amazwe sezizavunyelwa ukupha imbono yazo ngaloluhlelo, zisebenzisa ubulembu, i internet.
Umgcinisihlalo wekomidi ebona ngokulotshwa kutsha kwesisekelo sombuso, uMnu. Edward Mkhosi utshele uSithandekile Mhlanga oweStudio 7 ukuthi lokhu kwenzakala ngoba uhulumende akalamali eneleyo yokuyathatha imbono yezizalwane zeZimbabwe ezihlala e Bhilithane, South Africa lakwamanye amazwe womhlaba lapho abasabalala baya khona.