Inengi lezakhamizi ezihlala ezigabeni zelizwe ezingcelelane lamanye amazwe ezigoqela iNyanga, iBeitbridge, iVictoria Falls le Plumtree zithi zilokhu zingenelisi ukufinyelela umsakazo kanye lomabonakude be Zimbabwe Broadcasting Cooperation, i ZBC, ngakho kakufanelanga zibhadale umthelo, wona obiza amadola asuka kumatshumi amahlanu amadollar-US$50 usiya kwalikhulu-US$100.
Abantu bakulezizigaba bathembe imsakazo labomabonakude bemazweni abangcelane lawo, agoqela i South Africa, i Botswana le Mozambique ngoba imfanekiso yabomabonakude ingabonakali kuhle njalo lemisakazo ingezwakali.
UMnu. Ambrose Sibindi, isiphathamandla se Progressive Bulawayo Residents Association, utshele uSithandekile Mhlanga we Studio 7 ukuthi izakhamizi zemadolobheni lazo zilokukhonona ngomsakazo we ZBC.