amalinks wokungena

Breaking News

Abahlala Enkambeni YeDe-Doorns ESouth Africa Bathenjiswa I R1 200 Bengasuka Isivalwa Ngempelaviki


Uhulumende we South Africa usethembisa ukunika izizalwane zeZimbabwe ezihlala enkambeni ye De-Doorns, eWest Cape kwele South Africa imali ephakathi kwenkulungwane eyodwa kusiya kwezine zamaRand, ukuthi izincedise ekucandeni impilo entsha endaweni ezitshiyeneyo, njengoba inkamba le ivalwa kuyonale impelaviki.

Inyathelo leli libikwa livunyelenwe phakathi kwezizalwane zeZimbabwe, ezabalekela udlakela lwenkethabetshabi lapho ezazihlala khona, lohulumende we South Africa, kanye lenhlanganiso ezilwela amalungelo oluntu.

Umqondisi wenye yalezinhlanganiso, eye People Against Suffering, Suppression, Oppression and Poverty, iPASSOP, uMnu. Braam Hanekom, utshele iStudio 7 ukuthi, umuntu munye ngamunye uzathola imali ephezu kwenkulungwane yamarandi-R1, 200, kuthi abalemuli ezinkulu bathole ephezu kwenkulungwane ezine zamarandi-R4, 800.

UHanekom ungezelele wathi kuzakuba lemota ezisabuyisela abanye kweleZimbabwe, kanye lezizahambisa abanye endaweni ezitshiyeneyo ze South Africa lapho abafisa ukuqalisa impilo entsha khona.

‚Äč
XS
SM
MD
LG