amalinks wokungena

Breaking News

Abahlaselwa nguMurambatsvina Lokhu Besidla Luklubhu: Amnesty International


Inhlanganiso yeAmnesty International ithi abantwana abavela emulini ezabhidlizelwa imizi phansi kohlelo lweOperation Murambatsvina bafunda ezikolweni ezingalungelanga ukufundela njalo zingekho emthethweni.

Impumela yocwaningo olwenziwe yilinhlanganiso iveze ukuba banengi abantwana abalokhu bengayi esikolo kanti lemuli ezinengi lokhu zingelazindlu zokuhlala.

Lokhu kuvezwe yisiphathamandla seAmnesty International uMnu Simion Mawanza ephawula ugwalo lwempumela yalolucwaningo ngoLwesithathu oluthiwa Left Behind: The Impact of Zimbabwe’s Mass Forced Evictions on The Right to Education.

UMawanza utshele intathelizindaba eHarare ukuthi inhlanganiso yakhe ifuna uhulumende akhele abantu laba izindlu njalo abantwana babuyiselwe esikolo.

Amazwi kaMawanza agcizelelwe ngumqondisi weChristian Alliance, uMfundisi Useni Sibanda yena othe abezinkonzo bayadana ngokwehluleka kukahulumende ukunakekela abahlaselwa nguMurambatsvina.

XS
SM
MD
LG