Indaba ezakhwezwa emthethwandaba ngamalunga eMDC efuna ukuhlawulwa imali ngenxa yokuhlukuluzwa, ukutshaywa kunye lokuthunjwa zibikwa seziseduze lokuthoniswa. Amalunga eMDC ambalwa awatshywayo lokuhlukuluzwa ngabasekeli beZanu PF phambilini kokhetho lomnyaka ka 2008 athi afuna ukuhlawulwa imali eyisigidi samadola akwelemelika ngamunye.
Abayibo abaqanjwe ukuthi bahlawule imali le bagoqela umphathintambo obona ngendaba zaphakathi kwelizwe, uMnu. Kembo Mohadi, uskomitshi wamapholisa, uMnu. Augustine Chihuri lamanye amapholisa.
Igqwetha elimela laba bantu, uMnu. Tafadzwa Mugabe, olilunga lenhlanganiso yamagqwetha alwela ilungelo loluntu, iZimbabwe Lawyers for Human Rights, utshele uChris Gande weStudio 7 ukuthi amacala abanye ababili aseqalisile ukuthoniswa.