amalinks wokungena

Breaking News

Abalwa Impi Yenkululeko Bafuna Kudilizwe Idale Lephalamende, Kwenziwe Ukhetho


Bathi ngoba inhlanganiso yeCOPAC isehluleke ukuphuma lesisekelo sombuso esitsha

Inhlanganiso yabalwa impi yenkululeko, iZimbabwe National Liberation War
Veterans Association, ithi izacebisa uMongameli Mugabe ukuthi adilize
idale lephalamende ukuze kwenziwe ukhetho.

Umgcinisihlalo walinhlanganiso, uMnu. Jabulani Sibanda utshele intathelizindaba ngoMvulo ukuthi ikhomidi ebona ngokulotshwa kwesisekelo sombuso esitsha, iCOPAC, isehlulekile umsebenzi yikho sekumele kwenziwe ukhetho lanxa kungakalotshwa isisekelo sombuso esitsha.

Imbiko kaSibanda ilandela ekhulunywe ngumphathintambo wezemithetho, uMnu. Patrick Chinamasa laye oke wathi sekumele kwenziwe ukhetho ngesiphangiphangi. Imizamo yokuxoxa loSibanda yehlule.

Kodwa isikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube utshele uChris Gande weStudio 7 ukuthi kuyabe kungaphandle komthetho ukuthi kwenziwe ukhetho phambilini kokulotshwa kwesisekelo sombuso esitsha.

XS
SM
MD
LG