amalinks wokungena

Breaking News

Abamele iMDC leZanu PF Kunkulumo Bathi Sebevumelene Kokunengi


Abamela amacele womabili eMDC labe Zanu PF kunkulumo zokuzama ukulungisisa okuhluphayo kuhulumende womanyano bathi sebevumelene entweni ezinengi.

Kodwa bathi lokhu behluphana phezu kwezinto ezithile, ezibalisa udaba lokufungiswa kukaMnu Roy Bennett, olukasibalukhulu webhanga elikhulu lelizwe uMnu Gideon Gono kanye lodaba lukaMnu Johannes Tomana.

Abakunkulumo laba bathi bavumelene ukuthi kumele amabandla womathathu akuhulumende womanyano akhulume ngazwi linye ekhuthaze amazwe afana leMelika ukuthi esule izijeziso azethulela iziphathamandla zeZanu PF njalo ekhuthaze imisakazo ephandle kwelizwe efana leStudio 7 ukuthi iphindele ekhaya.

Umlamulankunzi kudaba lweZimbabwe njalo enguMongameli weSouth Africa, uMnu Jacob Zuma uzakhulumisana lomgcinisihlalo weSadc Troika kunsukwana ezilandelayo emazisa ngosokuvunyelwene phakathi kweMDC leZanu PF.

Iqula likaZuma ebeliseZimbabwe ekuqaleni kweviki libikwa lizaphindela njalo eHarare ngoMvulo.

Ingcwethi ecubungula ezombusazwe uMnu Mlamuli Nkomo utshele uNtungamili Nkomo weStudio 7 ukuthi okubalulekileyo yikuthi amabandla la alungisise udaba lukaGono loTomana ngoba kuyilo insika yokudonselana okukhona.

Okuhambelana lalokhu

‚Äč
XS
SM
MD
LG