Uhulumende weBhilithane ubikwa egcizelela isinqumo asithethe ngomnyaka odluleyo esokuthi izizalwane zeZimbabwe ezingaphumelelanga ukudinga ubuphepheli kulelolizwe sezizabuyiselwa emuva ngoba uhulumende womanyano eselethe ukuthula elizweni.
Lokhu kwenzekala lanxa abalwela amalungelo abantu besala ukuthi izizalwane zeZimbabwe zibuyiselwe emuva, besithi zizahlukuluzwa nguhulumende ngoba umumo wezombusazwe ulokhu ungamanga kuhle.
UMnu. Bekithemba Mhlanga, ingcwethi ecubungula ezombusazwe, utshele uSithandekile Mhlanga owe Studio7 ukuthi izizalwane zeZimbabwe bezivele zibuyiselwa emuva, njalo uchasisa ukuthi isinqumo sikahulumende weBhilithane siguquke kancinyane kuphela.
