Uhulumende we South Africa ubikwa eseqalisile ukwamukela incwadi ezitshengisa ukuthi izizalwane zeZimbabwe zisadinga ama passports lezithupha ukwenzela ukuthi umgoqo ofakwe ekupheleni komnyaka ungazivaleli phandle ekutholeni incwadi zama permits.
Incwadi lezi zizalungiswa yihofisi yabameli beZimbabwe kwele South Africa, njalo abangakazidingi labo bayavunyelwa ukuthi bayebhalisa amabizo abo ukwenzela ukuthi balungiselwe ama permit mhla bezithola.
UMnu. Ngqabutho Dube, isiphathamandla se Stakeholders Forum, emele icele le MDC elikhokhelwa nguMnu. Arthur Mutambara kwele South Africa, utshele uSithandekile Mhlanga we Studio 7 ukuthi inyathelo leli lizancedisa izizalwane zeZimbabwe ezizakuyabhalisa umhlaka ka 31 ngoMpandula engakafiki.