Uhulumende we South Africa uxwayisa izizalwane zeZimbabwe ezidinga incwadi zokuhlala ngokusemthethweni kwele South Africa ukuthi zingaphindeli ekhaya ngekhefu lekhisimusi ngoba incwadi zabo zokuhambisa zingaphazamiseka emngceleni weborder, okungenqabela ukuthi bethole incwadi zokuhlala ngokusemthethweni kwele South Africa.
Isiphathamandla sika hulumende wele South Africa uMnu. Mkhuseli Apleni utshele iStudio 7 ukuthi abangela ncwadi ezeneleyo balakho ukubhalisa kuphela ukwenzela ukuthi amabizo abo ahlale esemtshineni. Abantu laba balakho ukuletha amaphepha aqondileyo bengawathola, alungiswe lanxa umhlaka 31 ngoMpandula esedlule.
UMnu. Ngqabutho Dube, isiphathamandla seStakeholders Forum, emele icele le MDC elikhokhelwa nguMnu. Arthur Mutambara, utshele uSithandekile Mhlanga we Studio 7 ukuthi ibandla lakhe liyancedisa ukubhalisa amabizo ezizalwane zeZimbabwe emahofisini alo kwele South Africa.