amalinks wokungena

Breaking News

Abantu Abedlula Isigidi Bazadinga Uncedo Lokudla Ngomnyaka Ozayo - WFP


Inhlanganiso encedisa abalambayo ngokudla emhlabeni jikelele eye World Food Program ithi lanxa iZimbabwe ithole isivuno esithe xaxa lonyaka, kulabantu abedlula isigidi 1.68 million abazabhekana lendlala embi ngomnyaka ozayo okumele bancedwe ngokudla.

Embikweni ewethule ngoLwesibili inhlanganiso le ithe isivuno salonyaka sibengamathani edlula isigidi, 1.35 million tonnes. Isivuno lesi sedlula kancane leso esitholakale nyakenye ese-1.27 million tonnes.

Ngaphandle kokudingelwa ukudla zinhlanganiso ezizimeleyo ezifana le WFP labo World Vision, kuzadingakala ukuthi iZimbabwe layo ithenge ukudla okungangmatonne inkulungwane ezedlula kancane amakhulu amathathu-317, 000 tonnes, okugoqela umumbu.

I WFP ithe njalo inengi lizaqhubeka lilamba ngomnyaka ozayo ngoba lingelamali yokuthenga ukudla.

Ukuhlaziya udaba lolu uNtungamili Nkomo oweStudio 7 uxhume umqondisi wenhlanganiso yabezinkonzo, iChristian Alliance, uMnu Useni Sibanda yena othi ngempela izakhamizi ezinengi zizadinga ukuncedwa ngokudla ngoba zingatholanga lutho emasimini.

Okuhambelana lalokhu

XS
SM
MD
LG