amalinks wokungena

Breaking News

Abantu Abedlula Izigidi Ezimbili Elizweni Babikwa Besayine Ugwalo Olukhankasela Ukuthi Izijeziso Ezetheswa Ilizwe Zethulwe


Iphephandaba le The Herald libika ukuthi idolobho le Harare yilo elilabantu abanengi abasayina ugwalo lomkhankaso lo ngoba beyi 340 000 njalo ko Bulawayo yikho okulenani eliphansi kakhulu ele 82 240.

Uhulumende uthi usethole amabizo abantu abedlula izigidi ezimbili i 2, 2 million elizweni jikelele abasayine ugwalo lomkhankaso wezijeziso besithi bafuna izijeziso lezo ezethulelwa ilizwe ngamazwe aphetsheya zikhutshwe njalo inani leli liyedlula khatshana elabantu abayizigidi ezimbili okwakuvele kuyiyo inhloso.

Iphephandaba le The Herald libika ukuthi idolobho le Harare yilo elilabantu abanengi abasayine ugwalo lomkhankaso lo ngoba bezinkulungwane ezedlula amakhulu amathathu-340 000 njalo ko Bulawayo yikho okulenani eliphansi kakhulu elizinkulungwane phose ezingamatshumi athoba munwe munye-82 240.

Ugwalo lolu lukhangelelwe ukuthi lusiwe ezigodlweni zabameli bamazwe awezwekazi le Africa eZimbabwe ngendlela yokukhankasela ukuthi izijeziso lezi zesulwe.

UMnu. Rejoice Ngwenya, ingcwethi ecubungula ezombusazwe utshele uSithandekile Mhlanga weStudio 7 ukuthi ibandla le ZANU PF lingabe linciphisile njalo laqhelisa inani labantu kulolugwalo ngezigaba ezitshiyeneyo zelizwe ngendlela yokuthi abantu balukholwe.

XS
SM
MD
LG