Kulabantwana abahlaselwe ngumkhuhlane owe “Influenza A” ogoqela i Bird Flue le Swine Flue eTsholotsho abangenelisanga ukubhala imihloliso ka Grade 7 esaqhubeka ngoba bebikwa begula kakhulu.
Uhulumende ubikwa esithi laba ngabantwana abafunda esikolo seDikili le Magama. Esikolo seMpindo, ebesesivalwa ngoba phose bonke abantwana behlaselwe ngumkhuhlane lo, wona osubulele umuntu oyedwa, benelisile ukubhala imihloliso ngapho beselatshwa.
Kwezinye izikolo, ezigoqela iMbitiya, Ntulula, Khumbula, Malanda, Mbamba, Makhaza, Mkhubazi, le Tshitawasha, abantwana abahlaselwe ngumkhuhlane lo, wona ohlasele ababalisi, lezakhamizi babikwa bebhala imihloliso behlaliswe bodwa ukuze bengatheleli abanye njalo bengabekelwanga isikhathi sokuthi baqede nini ngoba begula.
UMfundisi Eddison Dube, umgcinisihlalo weTsholotsho Agenda utshele uSithandekile Mhlanga we Studio 7 ukuthi uncedisa omongi abelapha abagulayo ngokubathwala ngemota yakhe.