Ilanga lika mhlaka 12 ngoNhlangula lilanga lokunanza ukwenqatshelwa kokusetshenziswa kwabantwana imisebenzi enzima i- World Day Against Child Labor. Inhlanganiso elwela amalungelo abantwana eZimbabwe, eye Coalition Against Child Labour in Zimbabwe ithi iqoqa umhlangano omkhulu eChiredzi, wokuhlafuna loludaba.
UNkosazana Nokuthula Hlabangana, isiphathamandla salinhlanganiso uthi babuyisela esikolo abantwana abedlula amakhulu amathathu lamatshumi amahlanu-350 ababengasafundi ngenxa yokusetshenziswa emapulazini eChiredzi.
Ngakwelinye icele inhlanganiso yeInternational Labor Organization ithi kufanele ukusetshenziswa kwabantwana kube sekuphelile emhlabeni jikelele ngomnyaka ka 2016 phansi kwesinqumo esabekwa yilinhlanganiso le amalunga avumelana ngomnyaka ka 2010.
UNkosazana Hlabangana utshele uSithandekile Mhlanga weStudio 7 ukuthi inhlanganiso yakhe izamanyana lohulumende abazali, abantwana, induna, kanye labosobhuku ukulwisana lokusetshenziswa kwabantwana elizweni.