Kulandela ukuchothozwa kwamalunga edale leSenate yinhloko kahulumende uMnu. Morgan Tsvangirai ngolweSibili esithi awaqhubi inkulumo-mpikisano ejulileyo kulelidale, amanye amalunga athi kumele uTsvangirai aqale adingisise okwenzakalayo ngoba ekhulume engakazwisisi ukusebenza kwalelidale.
Ngemva kokwethekelela lelidale, uTsvangirai utshele intathelizindaba ukuthi kulendaba okufuze zihluzwe kodwa zibekwa eceleni lidale leSenate ngoba lingelamadlabuzane okuqhuba lumsebenzi.
USenator Obert Gutu okucele le MDC elikhokhelwa nguye uTsvangirai uvumelana lomkhokheli wakhe ngokuthi oSenator baswela amadlabuzane ngoba bengatholi imali eneleyo.
Kodwa uMnu. Believe Gaule onguSenator weTsholotsho ekucele le MDC elikhokhelwa nguMnu. Welshman Ncube uthi uMnu. Tsvangirai uphosisile ngoba zonke indatshana abekhuluma ngazo sezahluzwa yileli dale.