Umsekeli kamongameli welizwe uMnumzana John Nkomo ukhokhele iqula labaphathintambo bakahulumende ukuya emigodini yamadayimane koChiadzwa ngolweSithathu.
Injongo yaloluhambo ibingeyokuyahlola okwenzakalayo emigodini le ngemva kokuvinjwa kwekhomidi ebona ngezenjiwayo ukwethekelela lindawo kumaviki amabili edluleyo.
Ikhomidi le isikhangelelwe ukuya koChiadzwa ngeviki ezayo.Umsekeli wenhloko kahulumende uNkosazana Thokozani Khuphe ngomunye wabakade bekuqula elethekelele koChiadzwa ngolweSithathu.
Ukuze sizwe ukuthi kambe loluhambo luzaletha nguquko bani uBrenda Moyo weStudio 7 ukhulume lengcwethi kwezenotho uMnumzana Walter Nsununguli Mbongolwane.