Amakolitshi emfundo yaphezulu lokhu ebhekane lobunzima bokuswelakala kwababalisi abaqeqetshe okweneleyo, lanxa uhulumende ebakhwezele iholo ekuqaleni kwayonale inyanga.
Umbalisi wekolitshini uhola amakhulu athoba minwembili amadollar eMelika-US$800, kodwa bona bayasola besithi bafuna iholo eliqalisela ngaphezu kwenkulungwane ezimbili zamadollar eMelika-US$2 000.
Umgcinisihlalo wenhlanganiso ye Association of University Teachers, uMnu. Government Phiri, utshele uSithandekie Mhlanga we Studio 7 ukuthi balutshwana ababalisi asebebuyele emsebenzini belanda leliholo, ngakho imfundo ilokhu isiwa emakolitshini aphezulu.