Iziphathamandla zekomithi ebona ngokulotshwa kusha kwesisekelo sombuso edale lephalamende zibikwa zilandule imbiko ethi uhlelo lokuqoqwa kwembono kazulu aluqhubeki ngemfanelo ngenxa yodlakela oluselizweni, njalo zigcona inhlanganiso ezizimeleyo ngokukhupha limbiko.
Ikomidi le igcizelele ukuthi ayiphanga inhlanganiso lezi imvumo yokuthi zihlolisise ukuthi uhlelo lolu luqhutshwa njani. Kusenjalo, uMnu. Believe Gaule, okhokhela iqembu elisebenzela e Matabeleland North kanye lako Bulawayo, utshele uSithandekile Mhlanga we Studio 7 ukuthi umsebenzi wokuqoqa imbono yabantu usuphelile e Gwanda, kanye le Hwange, njalo sebelubhekisa esigabeni se Insiza.