Ixuku labantu abasekela owayengumkhokheli welinye lamacele eMDC, uMnu. Arthur Mutambara, bazise ngoMvulo ukuthi benze umhlangano wabo wakuqala we National Council lapho abaphinde inkulumo yabo yokuthi uMnu. Welshman Ncube osekhokhela elinye lamacele eMDC loNkosikazi Priscilla Misihayirambwi Mushonga sebexotshiwe kuleli bandla.
Lelicele ithi ngenxa yokuthi umthethwandaba unqume ukuthi uMutambara engakhokheli ibandla leli loludaba lusahluzisiswa osaphethe isikhundla sokukhokhela ngumgcinisihlalo uMnu. Joubert Mdzumwe.
UChris Gande weStudio 7 uxoxe lelunga le National Council yalelibandla, uMnu. Younger Moyo.
Njengoba iStudio 7 ingasekeli hlangothi uGande uphinde waxoxa lesikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube.