Kulabasekeli bephephandaba lebulenjini iWikileaks abathi sebevale ama websites kahulumende bekhonona ngenyathelo elithethwe nguNkosikazi Grace Mugabe elokusa iphepha leStandard emthethwandaba.
UNkosikazi Mugabe udinga ukuhlawulwa izigidi ezilitshumi lanhlanu zamadola eMelika phezu kodaba olukhitshwe yiWikileaks lwadindwa yiStandard olumveze njengomunye wabaphatheke ekuhuquluzeni amadayimana eMarange.
Abasekeli beWikileaks laba bavale iwebsite emqoka kahulumende, eyogatsha lwezemali kanye leyebandla leZanu PF, yona ebivuleka kanzima. Isikhulumeli sikahulumende uMnu Webster Shamu walile ukukhuluma ngodaba lolu.
Ingcwethi ecubungula ezombusazwe uMnu Effie Dlela Ncube utshele uNtungamili Nkomo weStudio 7 ukuthi uyalisekela inyathelo elithethwe ngabasekeli beWikileaks laba.
