Abasekeli be Zanu PF babikwa sebebamba ngamandla izakhamizi zesigaba seMandbeleni ukuthi zihlawule imali ezaphathisa ekuqutshweni komhlangano weZanu PF ozenzelwa koBulawayo ngenyanga ezayo kaMpalakazi.
Asebethwaliswe avuzayo kakhulu kubikwa kuyilabo abaphiwa amapulazi abatshelwa ukuthi bengayekela ukuhlawula imali le bazathathelwa amapulazi.
Umhlangano weZanu PF uzakwenzelwa enkundleni ye Zimbabwe International Trade Fair mhlaka 05 ngenyanga ezayo.
Isikhulumeli sebandla leZAPU, uMnu. Methuseli Moyo utshele iStudio 7 ukuthi abasekeli bebandla lakhe abanengi bakhala ngodubo lolu.