Abasekeli bebandla leZanu PF bavimbe umhlangano wekhomidi yedale lephalamende ebona ngezomthetho lokulotshwa kutsha kwesisekelo sombuso welizwe obuqoqwe ukuthi uzulu aphe imbono yakhe eMarondera ngoMvulo. Abasekeli beZanu PFlaba babikwa bebesithi nxa umuntu esipha umbono wakhe baklabalale benze umsindo kungezwakali ukuthi umuntu uyabe esithini.
Umphathintambo wezemithetho, uMnu. Patrick Chinamasa owebandla leZanu PF wehlulekile ukumisa lobu budlwangudlwangu. Umgcinisihlalo walikhomidi, uMnu. Innocent Gonese uze wathi lumhlangano ungaqhubekeli phambili. Elinye ilunga lalikhomidi, uNkosikazi Gladys Dube Gombami ulandisela i Studio 7 okwenzakeleyo.