Kulesiphathamandla seMDC ekhokhelwa nguMnu Morgan Tsvangirai esilaliswe esibhedlela eHarare ngemva kokuthelwa amafutha okupheka atshisayo ebusweni ngabasekeli beZanu PF ngoLwesithathu.
UMnu Ayaya Kassim, ongumgcinisihlalo wogatsha lwabatsha kulelibandla (Ward 11) ubikwa esebuhlungwini obukhulu. Imifanekiso yokutsha kwakhe ebusweni igcwele ebulenjini njalo ihlasimulisa umzimba. Abenze loludlakela kababotshwanga lanxa uKassim esithi ubabonile njalo uyabazi.
Udlakela lolu lwenzakale nje lanxa uMongameli Mugabe ebesethula amazwi okusola udlakela eseRedcliff esithi luxotsha abamankampani avela kwamanye amazwe ukuzevula amabhizimusi kweleZimbabwe.
Ukuhlaziya udaba lolu sixhume ingcwethi ecubungula ezombusazwe uMnu Rejoice Ngwenya yena othe udlakela lolu luveza sobala ukuba uMugabe kaselamandla phezu kwamalunga ebandla lakhe.
