amalinks wokungena

Breaking News

Abaphila Ngokuthengisa Imizimba Bathi Yibo Ingcwethi Zokuvikela Igcikwane leHIV


Liviki siqhubekela phambili ngengxoxo yethu loMnu. Mojalifa Mokwele owenhlanganiso ye Zimbabwe Sexua Rights Centre kuhlelo lwethu Liphuma Lendaba Litshona Lendaba lapho esihlaziya udaba lwabesifazane abathengisa imizimba.

UMokwele uthi ngenxa yokungami kahle komnotho welizwe abesifazane abakubhizimusi lokuthengisa imizimba labo batholana lodubo lokusilela kwemali lapho beqhuba ibhizimusi labo.

"Labalamankampani abo labo bayakwazi ukuthi imali kayikho ngakho labo laba abakubhizimusi lokuthengisa imizimba balayo labo iproblem yonaleyo ukuthi ibhizimusi liphansi liyehlile kakhulu lentengo kancansi layo iyehlile kuhambilena lokuthi imali bayithola njani," kutsho uMukwele.

Uthi kudaba lokuzivikela ekuthetheleleni igcikwane leHIV abesifazane abathengisa imizimba bayazivikela ukwedlula abasezindlini zabo.

Kutsho uMokwele: "Thinake njengenhlanganiso silohlelo lokuthi khona sidistribhutha amacondoma la amatsha anunkelele kamnandi okuthiwa ngama flavored condoms to abantu abathengisa umzimba kungelambadalo. Lokhu sakwenza ngoba bathi amacondom la alabodoli anunkela kube ama clients abo njalo labo abanunkela kubi."

Wengezelele esithi babona ukuthi ukuze bakhuthaze abantu ukusebenzisa amacondom kumele basebenzise abawakhwabithayo. Uthi inhlanganiso yabo iyakhankasa ngoLwesihlanu maviki wonke besipha uzulu amacondom okungelambadalo.

Uthi loluhlelo bayaluthakazelela abakubhizimusi yokuthengisa imizimba ngoba lanxa olweSihlanu lungakafiki bayabafonela besithi bayawafuna amacondom.

UMokwele uthi sebemanyene lenhlanganiso ye PSI ukwenza uhlelo lokuhlola abathengisa imizimba ukuthi balegcikwane leHIV na nxa belalo bahle baphange baphiwe amaphilisi.

UMokwele uthi ibhizimusi lokuthengisa ucansi ngeyabantu bonke njalo bakhona omama abaswela ucansi abadinga ukuluthenga kobobaba.

"Ukuthengisa umzimba libhizimusi esilibona inqe yiphi indawo. Esikutshoyo yikuthi imizwa yabantu yokufuna ucansi isebantwini. Ucansi umuntu ngeke awuthenge esihlahleni, ngeke awuthenge enyamazaneni uwuthola emuntwini ngakhoke ucansi uthengiswa indawo zonke zelizwe jikelele," kutsho uMokwele.

please wait
Embed

No media source currently available

0:00 0:05:22 0:00
Lapho esitholakala khona

XS
SM
MD
LG