Abatshayeli bezimota abalokhu belenombolo zemota, zama number plates, amadala sebedlela evalweni kulandela ukudlula kwelanga elafakwa nguhulumende ukuthi babhalise ukuba bathole amatsha. Ugatsha olubona ngezimota lwazisa ngomnyaka ka 2006 ukuthi sekuzasetshenziswa ama number plates amatsha abikwa alungiswe ngendlela enza kube lukhuni ukuthi amasela ezimota azibazele awamanga.
Lanxa uhulumende ubengakabambi ngamandla abatshayeli ukuthi badinge inombolo ezintsha kusukela ngomnyaka odluleyo uhulumende wazise ukuthi kusiyaphela inyanga kaMpalakazi kumele wonke umtshayeli eselama number plates amatsha ngoba nxa engekela ukwenza lokhu imota ilakho ukuthathwa nguhulumende. UChis Gande weStudio 7 uxoxe lomtshayeli, uMnumzana Abednico Bhebhe, owake wabalilunga ledale lephalamende emele isigaba se Nkayi othi isinqumo sikahulumende lesi ngesokudinga nje imali kuphela.