Ibandla le Zanu PF lithi lizacubungula iziphathamandla zalo ezetheswa icala lokupha imbono yabo kuziphathamandla zakweleMelika. Iziphathamandla lezi, ezigoqela abasekeli bakaMongameli Mugabe , uMnu. John Nkomo loNkosikazi Joyce Mujuru, zibikwa zatshela iziphathamandla zakweleMelika ukuthi uMongameli Mugabe sekumele atshiye isikhundla ngoba esekhulile.
Iziphathamandla zeZanu PF ezisekela uNkosazana Oppah Muchinguri zibikwa zisithi uMujuru kumele axotshwe ngembiko yakhe eyethulwe ebulenjini be Wikileaks esikhundleni sakhe kufakwe uMuchinguri.
Isikhulumeli seZanu PF, uMnu. Rugare Gumbo utshele uChris Gande weStudio 7 ukuthi ngempela zikhona iziphathamandla zeZanu PF ezibuze uMongameli Mugabe ukuthi kuzathathwa na amanyathelo okujezisa iziphathamandla lezi yena wathi ngempela loludaba luzahluzisiswa.