amalinks wokungena

Breaking News

Abazali Bakhuthazwa Ukuhlabisa Abantwababo Amajekiseni Okuvikela Imikhuhlane


Ugatsha lwezempilakahle lumanyene lenhlanganiso ebona ngezempilakahle emhlabeni jikelele eye World Health Organisation, W-H-O kanye le United Nations Childrens Fund i UNICEF luthi solulungiselele umkhankaso wokuhlabisa abantwana amajekiseni okuvikela imikhuhlane.

Umkhankaso lo uqalisa mhlaka 24 kuyonale inyanga usiyaphela mhla zimbili kuNhlangula. ophethe uhlangothi lwezokwethulwa lwemibiko uNkosikazi Micaela De Sousa utshele lumsakazo ukuthi bakhangelele ukuthi uhlelo lolu luzaphumelela ngoba sekube lokukhulumisana labokholo lwesipositoli abavele bengelatshwa nxa begula, ukuthi baphatheke kulo umkhankaso.

U De Sousa ukhuthaza abazali ukuthi baphume ngobunengi babo bayehlabisa abantwana amajekiseni okuvikela indingindi leminye imikhuhlane ehlasela abantwana,esithi bakhangelele ukuhlabisa abantwana abantwana abedlula izigidi ezinhlanu.

UBrenda Moyo weStudio 7 ukhulume loNkosikazi Thokozile Ncube isiphathamandla njalo se UNICEF ochasisa ngamanye amajekiseni abantwana abazawahlatshwa ngesikhathi somkhankaso lo.

‚Äč
XS
SM
MD
LG