Amazwe aphetsheya alitshumi lasithupha, agoqela eleMelika, eleBhilithane lenhlanganiso ye International Monetory Fund, wona azibiza ngokuthi “Friends of Zimbabwe” abikwa esithi ukhetho elizweni kufanele luqhutshwe eleZimbabwe seligcwalise konke okwavunyelwana kubunjwa uhulumende womanyano.
Lokhu kwenzakala uMongameli Robert Mugabe esithi ukhetho luzakwenziwa kungedlula i Referendum, yona ekhangelelwe ukuthi ingabakhona ekupheleni komnyaka ozayo.
Ukuze sihlaziye ukuthi eleZimbabwe selilungele na ukhetho njalo lizakwamukela izixwayiso ezivela kwamanye amazwe, uSithandekile Mhlanga we Studio 7 uxoxe loMnu. George Mkhwananzi, ingcwethi ecubungula ezombusazwe.