amalinks wokungena

Breaking News

AbeCOPAC Baqhubekela Phambili Ngohlelo Lokulotshwa Kwesisekelo Sombuso Esitsha


Ikhomidi ebona ngokulotshwa kwesisekelo sombuso esitsha eye COPAC, ithi iqhubekela phambili ngohlelo lokuthapha imibono kazulu laloba lubhekane lezikhubeko ezithile ikakhulu udaba lwemali.

Lumbiko wethulwe nguMnumzana Douglas Mwonzora omunye wabagcinisihlalo beCOPAC emhlanganweni lentathelizindaba eHarare ngolweSithathu.

UMwonzora ugczizelele ukuthi iCOPAC ifuna imali engange zigidi ezithoba minwe mbili zamadollar eMelika-US$8 Million yokuqhuba uhlelo lokwamukela imibona kazulu.

Uhlelo lokuthapha imibono kazulu ezigabeni ezimbalwa zelizwe luqhubeka kuhle kodwa lubhekane lendubeko ezimbalwa kwezinye izigaba ezigoqela iMashonaland west leMasvingo. Esigabeni seMashonaland west kubikwa abasekeli bebandla leZANU PF bevimba imihlangano besithi kumele baziswe ngayo kuqala.

Kodwa ezigabeni zeMatebeleland uhlelo luqhubeka kuhle. Kuyonale iviki abathapha imibono kazulu basesigabeni seMangwe. Beqeda lapho bazalubhekisa eBulilima.

UBrenda Moyo weStudio 7 ukhulume lomeli wesigaba seBulilima ephalamende uMnumzana Moses Mzila Ndlovu othi abeCOPAC balomsebenzi omkhulu wokwazisa izakhamizi ngemihlangano, ukuthi izakwenziwa nini lokuthi yenzelwa kuziphi indawo.

‚Äč
XS
SM
MD
LG