Iqula eliqoqa imbono kazulu kuhlelo lokulotshwa kutsha kwesisekelo sombuso esitsha eMatabeleland South lithi ngolweSine libhekane lobunzima ekuqhubeni umsebenzi walo e Collen Bawn le Blanket Mine ngoba lithole inengi lezisebenzi zisemba imigodi.
Uhlelo lolu lubikwa luqhubeka kuhle kwezinye izigaba zelizwe, kodwa ezinye, ezigoqela i Mashonaland East zibikwa zilodlakela oluphazamisa ukuqhutshwa kwalo.
Idale le Politburo yebandla le ZANU PF libikwa lilandula ukuthi kulodlakela elizweni njalo likhuthaza uzulu ukuthi aphume ngobunengi ayekupha imbono.
Okunengi ngaloludaba, kuphuma kungxoxo uSithandekile Mhlanga we Studio 7 ayenze lo Nkosikazi Gladys Gombami-Dube, okhokhela iqula eliqhuba lumsebenzi e Matabeleland South.