amalinks wokungena

Breaking News

Abenhlanganiso Ezizimeleyo Bafuna ISadc Ithathele UMugabe Amanyathelo Aqinileyo


Inhlanganiso ezikhankasela ukulondolozwa kwamalungelo oluntu sezixwayise umanyano weSadc ukuthi ubambe uMongameli Mugabe ngamandla emhlanganweni oqala ngeSonto eNamibia ukuthi alungisise konke okusele kulenga kusivumelwano seGlobal Political Agreement.

Inhlanganiso lezi, ezigoqela iCrisis in Zimbabwe Coalition sezithumele abameli bazo kweleNamibia ukuthi beyekhuthaza inkokheli yeSadc ukubana ithathele uMongameli Mugabe amanyathelo aqinileyo ukuze alungise konke okuhluphayo kuhulumende.

Inhlanganiso lezi zithi zifuna njalo iSadc iqalise ukucanda indlela yokhetho olukhululekileyo elizweni. Kucatshangelwa ukuthi ukhetho lolu lungenziwa ngomnyaka ozayo.

UMugabe labanye bakhe abathi, uMnu Morgan Tsvangirai loMnu Arthur Mutambara bakhangelelwe ukungena umhlangano weSadc Troika ozacubungula udaba lweZimbabwe ngeSonto ngaphambilini komhlangano omkhulu ozaqala ngoMvulo.

UTsvangirai yena usuke elizweni ngoLwesihlanu esiya kweleSouth Africa lapho azasukela khona sesiya eNamibia.

Ingcwethi ecubungula ezombusazwe uMnu Mlamuli Nkomo utshele uNtungamili Nkomo weStudio 7 ukuthi inhlanganiso lezi kumele zibe zikhankasela ukulotshwa kwesisekelo sombuso eziqotho, hatshi ukhetho.

Okuhambelana lalokhu

‚Äč
XS
SM
MD
LG