amalinks wokungena

Breaking News

Abenhlanganiso Ezizimeleyo Bavunyelwa Ukuhlolisisa Uhlelo Lokulotshwa Kwesisekelo Sombuso


Ikhomidi yedale lephalamende ebona ngokulotshwa kwesisekelo sombuso iCOPAC ibelomhlangano lenhlanganiso ezizimeleyo eHarare ngolweSibili kwavunyelwana ukuthi abenhlanganiso ezizimeyo lezi abafuna ukuhlolisisa uhlelo lokwamukelwa kwemibono kazulu sebezaphiwa amacence aveza ukuthi ngabenhlanganiso ezizimeleyo.

Injongo yomhlangano lo ibingeyokuxazulula osekuhlupha phakathi kwe COPAC lenhlanganiso ezizimeleyo, ezigoqela iZimbabwe Lawyers for Human Rights, Zimbabwe Peace Project, Zimbabwe Election Support Network, lezinye.

ICOPAC ikhala ngokuthi abenhlanganiso lezi kabaqhubi kahle umsebenzi ekuhlolisiseni kwazo uhlelo lokwamukela imibono kazulu. NgoMvulo omunye wabagcinisihlalo beCOPAC uMnumzana Paul Mangwana ukhuthaze ukuthi abenhlanganiso lezi kumele babotshwe uma beqhubeka bephazamisa umsebenzi walabo abemukela imibono kazulu.

ICOPAC ithi abenhlanganiso lezi abazivezi uma befika endaweni okwenza bacine becatshangelwa ukuthi bangabe bezinsoli zikahulumende kumbe abantu nje abafuna ukuphazamisa uhlelo. Ngakhoke ukunikwa kwabenhlanganiso lezi iaccreditation kukhangelelwe ukuqeda loludubo lokucabangelana.

Emhlanganweni wangolweSibili inhlanganiso lezi zisole iCOPAC zisithi imibiko le isifake impilo zamalunga azo asebenzela emaphandleni engozini. Abenhlangananiso lezi bahlezi besola uhlelo lowamukelwa kwemibono kazulu zisithi aluqhutshwa ngemfanelo njalo kusekhona okunengi okulubuyisela emuva.

ICOPAC ibikulandula lokhu kodwa emhlanganweni wangolweSibili ivumile ukuthi uhlelo lokuthathwa kwemibono kazulu lubhekane lezikhubeko ezinengi ekusungulweni kwalo.

UBrenda Moyo weStudio 7 uxhume uMnumzana Alois Dzvairo umgcinisihlalo wabasakhulayo kunhlanganiso engasekeli uhlelo lolu lokulotshwa kwesisekelo, eye National Constitutional Assembly, opha imibono yakhe ngobudlelwano obubunjwe ngumhlangano wangolweSibili phakathi kwe COPAC lenhlanganiso ezizimeleyo

Okuhambelana lalokhu

‚Äč
XS
SM
MD
LG