Abalwela ilungelo labesifazana bathi kusobala ukuthi eleZimbabwe seliqalisile ukunanza amalungelo abesifazana ngenhlelo lemithetho esikhona elizweni.
Umthethwandaba waphezulu usanda kunquma ukuthi abesifazana abendileyo sebelemvumo yokuthathela abantwana incwadi zokuhambisa, ama passports, lanxa omkabo bengekho eduzane ukuthi besayine amaphepha adingakalayo.
Umthetho owenqabela ukuhlukuluzwa kwabantu ezindlini, ikakhulu abesifazana, owe Domestic Violence Bill lawo uthakazelelwa ngabanengi. Ukuze sizwe okunengi okuphathelene lamalungelo abesifazana, uSithandekile Mhlanga oweStudio 7 uxoxe lo Nkosikazi Beauty Kerr, umgcinisihlalo wogatsha lwabesifazana kucele le MDC elikhokhelwa nguMnu. Arthur Mutambara.