Inhlanganiso yamabandla ezokholo lwesiKristu, iZimbabwe Council of Churches sixwayise abezombusazwe ukuthi batshiyane lodlakela njalo balondoloze ukuthula elizweni.
Embikweni ewethule ngoMvulo, inhlanganiso le ithe njalo amabandla ezombusazwe kumele engayilokothi inkulumo elenzondano phakathi ngoba iletha ukufuthelana lokungezwani kuzulu.
Inkuthazo le iza ngesikhathi udlakela lubikwa soludlange ngamandla kwezinye izigaba zelizwe lumemethekiswa ngabasekeli beZanu PF.
Isiphathamandla seChristian Alliance uMnu Useni Sibanda utshele iStudio 7 ukuba inhlanganiso yakhe layo iyalusola kakhulu udlekela.
