Inengi lamalunga enkonzo ezitshiyeneyo athi kufanele ukuthi abantwana bahlatshwe amajekiseni okubavikela imikhuhlane ehluphayo, njengowendingindi, osubulele abantwana abedlula amatshumi amahlanu kusukela ekupheleni komnyaka odluleyo.
Lokhu kulandela imbiko ethi abazali abanengi abokholo lwesipostoli bayala ukuhlabisa abantwababo amajekiseni okuvikela imikhuhlane, bethemba ukusebenzisa amanzi lokunye okuthandazelelweyo ukuphilisa abantwababo.
USithandekile Mhlanga we Studio 7 uxoxe lo Mfundisi Promise Manceda, isiphathamandla se Christian Alliance, ukuze sizwe ukuthi ibhayibhili lona lithini ngokusetshenziswa kwemikhuleko kanye lemithi njengendlela yokwelapha lokuvikela imikhuhlane.