Izizalwane zeZmbabwe ezihlala kwele South Africa zibikwa seziqalisile ukusuka kulelolizwe kulandela ukwethusela kwezizalwane zakwele South Africa zisithi kuphela nje imidlalo ye World Cup kumele abokuza baphume baphele kulelolizwe.
Kubikwa kulendwendwe zabantu abathwele imitshaqana yabo bevela kwele Cape Town - lapho okubikwa kuyikho okulokwethuselwa khona kwabokuza yizizalwane zakwele South Africa – belubhekise eJohannesburg.
UChris Gande weStudio 7 uxoxe lengcwethi ecubungula ezombusazwe njalo eligqwetha elilwela ilungelo loluntu, uNkosazana Anna Moyo ochasisa okunengi ngaloludaba.