Umphathintambo wogatsha lwezamafekitali, uMnu. Welshman Ncube uselobele umphathintambo wogatsha olubona ngendaba zedale lephlamende, uMnu. Erick Matinenga efaka isicelo sokuthi kwakhiwe idale lephlamende koBulawayo.
Isikhulumi sebandla leli, uMnu. Nhlanhla Dube utshele uChris Gande weStudio 7 ukuthi lokhu kungaba linyathelo lakuqala ekwabeni amandla kuzigaba zonke zelizwe. UDube uthi njalo lokhu kulakho ukuveza isifiso sikahulumende sokuthuthukisa ezinye indawo zelizwe njengoba kuvele kuhlala kulomkhosi wokuthi akanaki indawo ezinjenge Mandebeleni uphelela eHarare endlelweni zakhe zentuthuko.