amalinks wokungena

Breaking News

Akulakuvumelana Ngodaba LweZimbabwe Emhlanganweni WeKimberly Process


Inhlanganiso yezamabhizimisi abensundu i Affirmitive Action Group ithi inhlanganiso yeKimberly Process kumele yekele eleZimbabwe lizithengisele amadayimana alo kungela migoqo.

I AAG itsho lokhu emhlanganweni weKimberly Process owenzelwa eJerusalem kwele Israel. igcizelele ukuthi eleZimbabwe seligcwasise izinqumo ezabekwa yiKimberly Process kudaba lokwenjiwa kwamadayimani akoMarange.

Kodwa inhlanganiso ezilwela ilungelo loluntu zithi abantu beMarange baqhubeka behlukuluzwa ngamasotsha lamapholisa kahulumende.

Ingxabangxoza le isibangele ukungavumelani kwamazwe asemhlanganweni weIsrael ukuthi eleZimbabwe liyekelwe na lizenzela santando ekuthengiseni amadayimana alo.

Umphathintambo wezemigodi uMnumzana Obert Mpofu uthi ilizwe lizaqhubeka lithengisa amadayimana akoMarange laloba kungela mvumo yeKimberly Process.

UBrenda Moyo weStudio 7 ukhulume lengcwethi kwezenotho uMnumzana Rejoice Ngwenya othi uzulu weZimbabwe kazwisisi ukuthi kanti inhlanganiso ye AAG ingena njani kundaba zamadayimana.

Okuhambelana lalokhu

‚Äč
XS
SM
MD
LG