amalinks wokungena

Breaking News

Akulambango Wezikhundla Ebandleni Lethu- MDC-M


Icele leMDC elikhokhelwa nguMnumzana Arthur Mutambara lilandula imibiko ephume kumaphephandaba athize yokuthi sokulombango wezikhundla phakathi kukanobhala jikelele walelibandla uMnu Welshman Ncube lomkhokheli walo uMnu Arthur Mutambara.

Iphephandaba le Newsday libike ukuthi kulakho ukuvuka impi phakathi kuka Ncube loMutambara. NgolweSibili iphephandaba leli lethule udaba oluthi inhloko kahulumende uMnu Morgan Tsvangirai usole uNcube ngesifiso sakhe sokufuna ukukhokela lelibandla. Lelibandla likhangelelwe ukwenza umhlangano walo weCongress ngomnyaka ozayo.

Ngeviki edluleyo ugatsha olubona ngezokwethulwa kwemibiko kulelibandla lulandule ukuthi uNcube loMutambara sebebanga isikhundla sokukhokhela ibandla.

UBrenda Moyo weStudio 7 ukhulume lomgciningcebo walelibandla uMnu Fletcher Dulini Ncube, othi isisekelo salelibandla siyamvumela uNcube ukuthi athathe isikhundla sobukhokheli bebandla.

‚Äč
XS
SM
MD
LG