Icele le MDC elikhokhelwa nguMnu. Morgan Tsvangirai liyalandula ukuthi amalunga alo abangela udlakela njengalokhu okumunyethwe lugwalo olubikwa lwethulwe ngamapholisa oluchaza ukuthi phakathi kwenyanga kaZibandlela loMabasa, ibandla leli libe lezehlakalo zodlakela ezingamatshumi amabili .
Ugwalo lolu luchaza izehlakalo ezicacileyo lapho amalunga aleli bandla abikwa abe esilwa wona wodwa, ikakhulu kulungiselelwa umhlangano wabo omkhulu oweCongress esanda kwezinziwa ko Bulawayo.
Lanxa uMnu. Morgan Tsvangirai ebikwa eke wavuma ukuthi kulezehlakalo zodlakela kulelibandla njalo kuzadingisiswa abalubangelayo bajeziswe, ibandla leli selikulandula lokhu.
UMnu. Albert Mhlanga, umqoqi wenhlelo kulelibandla ko Bulawayo utshele uSithandekile Mhlanga we Studio 7 ukuthi kuyadanisa ukuthi amapholisa aqopha ibandla le MDC kuphela.
