amalinks wokungena

Breaking News

Akuvumakali Ukuthi UMalandu Abanjwe Ngamandla Ukuhlolwa Igciwane LeHIV


Umahluli weHigh Court koBulawayo uMaphios Cheda unqume ngoLwesine ukuthi akukho emthethweni ukuba umeli weInsiza South edale lephalamende uMnu Siyabonga Malandu Ncube abanjwe ngamandla ukuthi ayehlolwa ukubana ulegciwane leHIV kumbe hatshi.

UMalandu Ncube lilunga leMDC ekhokhelwa nguMnu Welshman Ncube.

Umthethwandaba kamantshi ubulaye uNcube kumaviki edluleyo ukuba ayehlolwa leligciwane ukuthoniswa kwecala lakhe kungakaqali kulandela ukumangalelwa kwakhe ngowake wathandana laye njalo eyintathelizindaba uSimiso Mlevu yena othi uNcube wamthelela leligciwane.

Kodwa kusinqumo sakhe uCheda uthe akula mthetho ongabamba uNcube ngamandla ukuba ayehlolwa. Kolunye njalo udaba, uNcube umangalele usimiso emapholiseni ngoLwesine esithi umthumele incwadi emthethisa.

Igqwetha likaNcube, uMlweli Ncube utshele uNtungamili Nkomo weStudio 7 ukuba ukhangelele ukuthi uMalandu atholakale engelalo icala lokuthelela uSimiso igciwane.

Okuhambelana lalokhu

XS
SM
MD
LG