Omunye wabakhokheli bamacele eMDC uMnu. Welshman Ncube uthi kulakho ukuthi amabandla akuhulumende womanyano acine evumelana ngomlomo ngembono ezangena kusisekelo sombuso esitsha. UNcube uthi uhlelo lokuqoqa imbono yabantu olwe Outreach Programme alwenelisanga ukuthola imbono eyeneleyo.
Kodwa amanye amabandla akuhulumende womanyano awavumelani loMnu. Ncube esithi uphangisile ukucabanga ngalelinyathelo ngoba uhlelo lolu lokhu lusaqhubeka njalo imbono eyadingwa ebantwini minengi kulaleyo eqanjwa ngu Ncube.
UNkosikazi Gladys Dube-Gombami, isiphathamandla se COPAC, njalo ekucelele MDC elikhokhelwa nguMnu. Morgan Tsvangirai utshele uSithandekile Mhlanga we Studio 7 ukuthi kufanele kulandelwe esinye sezinqumo zikahulumende womanyano esithi imbono ekusisekelo sombuso esitsha kufanele ivelele ebantwini.