amalinks wokungena

Breaking News

Amabandla Ezombusazwe Afuna Ukumanyana Alwise iZanu PF


Amabandla ezombusazwe agoqela amacele womabili eMDC, iZapu lamanye, abikwa ecebisana ukuthi ahlangane kukhulunyiswane ngendlela angasebenzelana ukuze kususwe ibandla leZanu PF embusweni. Abazi ngokwenzakalayo batshele iStudio 7 ukuthi bekumele kube lomhlangano wamabandla la liviki kodwa awusaphumelelanga ngoba amanye amabandla abengaziswanga kusase lesikhathi.

Akwazakali ukuthi lumhlangano usuzakwenziwa nini. Ingcwethi zombusazwe zithi nxa amabandla angayekela ukusebenzelana iZanu PF ilakho ukunqoba kukhetho. Kukhetho olwedlulayo oluka 2008 ukungasebenzelani kwamabandla kwabangela ukuthi iZanu PF inqotshwe ngamavoti amalutshana okwenza ukuthi lelibandla lithi kalinqotshwanga labuyela embusweni ngokubikwa ngabanengi ukuthi ngokomkhotho.

Isikhulumeli sebandla leMDC elikhokhelwa nguMnu. Welshman Ncube, uMnu. Nhlanhla Dube utshele iStudo 7 ukuthi lanxa kungakacaci ukuthi lumanyano ukhokhelwa ngobani nxa kungenzakala kungamukelwa ngamabandla amanengi.

XS
SM
MD
LG