Amabandla ezombusazwe akuhulumende womanyano athi asekhuthaze amalunga awo ukuthi engabangeli udlakela emihlanganweni yokuqoqa imbono yabantu ezangena kusisekelo sombuso esitsha ezaqhutshwa ngoMgqibelo langeSonto eHarare.
Imihlangano le ayisaphutshiswanga ngenxa yodlakela oluqhamuke kulesisigaba, njalo amapholisa athembise ukuthi azalwenqabela loludlakela.
UMnu. Joram Gumbo, ilunga lekomidi yedale lephalamende ebona ngokulotshwa kutsha kwesisekelo sombuso, eye COPAC, ekubandla le ZANU PF, utshele uSithandekile Mhlanga we Studio 7 ukuthi amabandla ezombusazwe akuhulumende womanyano asetshele amalunga abo ukuthi engabangeli udlakela kulimihlangano.